လယ်မြေတွေ ပိုင်တဲ့ သူဌေးကြီးက သူ့လယ်တွေကို ကြီးကြပ်ဖို့ လူတစ်ယောက် ရှာနေတယ်။ သူ့ရွာက လူအတော်များများဟာ အလုပ်ကြမ်းမလုပ်ချင်ကြလို့ သူဌေးကြီးဟာ လူရှာမရဖြစ်နေတယ်။
တနေ့မှာ လူကောင်ပိန်သေးသေး အသက်ကြီးကြီးလူတစ်ယောက် သူ့ဆီမှာ အလုပ်လာလျှောက်တယ်။ သူဌေးကြီးက သူ့ကို ဒီအလုပ်ကို လုပ်နိုင်မလားလို့ မေးတယ်။
သူက
- "မုန်တိုင်းကျရင်တောင် အိပ်ပျော်ပါတယ်" လို့ ပြန်ဖြေတယ်။
သူဌေးကြီးဟာ သူ့အဖြေကို သဘောမကျပေမယ့် အလုပ်လျှောက်သူ မရှိလို့ သူ့ကိုပဲ လက်ခံပြီး အလုပ်ခန့်လိုက်ရတယ်။
အဲဒီညမှာပဲ လေပြင်းမုန်တိုင်းကြီး ကျပါတော့တယ်။ သူဌေးကြီးက အိပ်နေတဲ့သူ့ကို သွားနိူးပြီး အော်ပြောတယ်။
- "ဟေ့လူ ထ ထ။ မုန်တိုင်းကျနေပြီ။ အပြင်ထွက် ကြည့်လိုက်အုံး"
ဟိုလူက တဖက်ကို လှည့်စောင်းပြန်အိပ်ရင်း
- "ကျွန်တော် ပြောထားတယ်လေ။ မုန်တိုင်းကျရင် အိပ်ပျော်ပါတယ်လို့"
သူဌေးကြီးက သူ့ကို ချက်ခြင်း အလုပ်ဖြုတ်ပစ်ချင်တယ်။ ဒါပေမဲ့ လောလောဆယ် အပြင်ဖက်မှာ ဘာတွေဖြစ်ပျက်နေတယ်ဆိုတာကို သွားကြည့်လိုက်တယ်။
ကောက်ရိုးပုံတွေကို သပ်သပ်ရပ်ရပ်ပုံထားပြီး အပေါ်မှာ မိုးကာတွေနဲ့ အုပ်ထားတယ်။ နွားတွေအားလုံး နွားခြံထဲ မောင်းသွင်းထားပြီး ခြံတံခါးကို လုံလုံခြုံခြုံ ပိတ်ထားတယ်။ ကြက်တွေကိုလည်း ကြက်ခြံအမိုးအောက်မှာ ထည့်ထားပြီးပြီ။ ရှိတဲ့ တဲတွေကို ကြိုးနဲ့ မြေကြီးမှာ ငုတ်စိုက်ချည်ထားတယ်။ မုန်တိုင်းကြောင့် လွှင့်ပျံမတက်သွားအောင်ပါ။ အဲဒါတွေကို လူသစ်က နေ့ခင်းကတည်းက လုပ်ထားခဲ့တာပါ။
သူဌေးကြီးဟာ အခုသဘောပေါက်သွားတယ်။ လူသစ်ဟာ စီစဉ်စရာတွေကို မုန်တိုင်းမလာခင်ကတဲက စီစဉ်ပြီးသားမို့ မုန်တိုင်းလာချိန်မှာ သူကောင်းကောင်းအိပ်နေနိုင်တာကိုး။ သူဌေးကြီးလည်း အိပ်ယာဝင်ပြီးအဲဒီညမှာ ကောင်းကောင်းအိပ်ပျော်သွားပါတယ်။
"ကုမ္ပဏီတွေက အလုပ်ခန့်ထားချင်သူတွေဟာ သူ့လို လူမျိုးတွေပါ။"
ဗန်းမော်သိန်းဖေ ၁၁-၀၃-၂၀၁၇
No comments:
Post a Comment