သံသရာကြိုးဝိုင်း

သံသရာကြိုးဝိုင်း

-တီအသား
ငါးဝါးမြို
-ငါးအသား
လူဝါးမြို
-လူအသား
မြေ၀ါးမြို
-မြေကိုတော့
တီကောင်မြိုသတဲ့
-အို ...။

ခိုင်မြဲကျော်စွာ
ဒီရေစီးသံ၊အမှတ်(၅)

`အက်ဆေး´ ဆိုတာ ဘာလဲ။

အက်ဆေး (ဇော်ဇော်အောင်)

`အက်ဆေး´ ဆိုတာ ဘာလဲ။

ကမ္ဘာ့ `အက်ဆေး´ ဖခင်သည် မီရှယ်မောန်တိန်း [Michel Eyquem de Montaigne (1533-92)] ဖြစ်သည်ဟု ဆရာစဉ်သမားစဉ် အမှတ်အသားရှိသည်။ သူကွယ်လွန်ခဲ့သည်မှာ နှစ်ပေါင်း ၄၀၈ နှစ်ရှိပြီ။ ထိုမျှအထိ ဆွဲဆန့်လျှင် ရှည်လျားလေးလံပေသည်။ သိမီသလောက်က ဖြတ်ပြောပါမည်။
ကျောင်းစာသင်ခန်းအတွင်းမှာ သင်ခန်းစာအဖြစ် `စာစီစာကုံး´ ဟု ရှိသည်။ အများသိပြီးဖြစ်၏။ နိဒါန်း၊ စာကိုယ်၊ နိဂုံး အင်္ဂါသုံးပါးနှင့်ညီညွတ်သော၊ စီကာစဉ်ကာ ပန်းသဖွယ်သီကုံးထားသော စာ။ ထိုစာကို စာစီစာကုံးဟု ယနေ့အထိ အသုံးတွင်နေသည်။

စာသင်ခန်းပြင်ပတွင် Essay ၏ အခြားအဓိပ္ပာယ်တစ်ခုကို ရည်၍ `အစမ်းစာ´ ဟု ခေါ်ခဲ့ကြသေးသည်။ ဆရာဇော်ဂျီက (စာတမ်း/စာတန်း) နှစ်မျိုးကွဲစေ၍ Essay ကို `စာတန်း´ ဟုသတ်မှတ်ကာ စတင်သုံးစွဲခဲ့သည်။ စည်းကြီးကမ်းကြီးနှင့်ရေးသားသော စာမျိုးကို `စာတမ်း´၊ လွတ်လွတ်လပ်လပ်ပေါ့ပေါ့ ပါးပါး ရေးသောစာမျိုးကို `စာတန်း´ ဟု ခေါ်စေလိုသည်ဟု ယူဆရပါသည်။ ပညာရပ်၊ ဘာသာရပ်အလေးကဲ၍ စည်းကမ်းစနစ်ကိုတည်ဆောက်ကာ ရေးသားသော ဘွဲ့ယူစာတမ်း Thesis/Dissertation အမျိုးအစားများဖြင့် နှိုင်းယှဉ်ကြည့်နိုင်ပါသည်။ `စာတန်း´ သည် စည်းမဲ့ကမ်းမဲ့ မဟုတ်စေကာမူလည်း ပိုလွတ်လပ်ပေါ့ပါးသည်။ အနုပညာသဏ္ဌာန်ဘက်သို့ တိမ်းညွတ်သော စာမျိုးဟုလည်း ဆင်ခြင်ကြည့်နိုင်ပါသည်။ ကျွန်တော့စာများတွင်ပါသော ထွေပြားမှုနှင့်လည်း ယှဉ်၍ ဆင်ခြင်ကြည့်စေလိုပါသည်။



မြန်မာစာပေလောကတွင် `သိပ္ပံမောင်ဝ´ ကလောင်အမည်ဖြင့် ထင်ရှားခဲ့သော ပုဂ္ဂိုလ်ကြီးတစ်ဦး ပေါ်ခဲ့သည်။ `ခေတ်စမ်းစာပေ´ နှင့် တွဲ၍လည်းကောင်း၊ သူတို့၏ဆရာကြီး (၀ါ) ခေတ်စမ်း၏ဖခင်ကြီး ပါမောက္ခဦးဖေမောင်တင်နှင့် တွဲ၍လည်းကောင်း၊ ခေတ်စမ်းကဗျာက၀ိကြီးနှစ်ဦးနှင့် တွဲ၍လည်းကောင်း၊ မြန်မာစာပေသမိုင်းတွင် ထင်ရှားအသိများခဲ့၏။

သူ့စာများကိုစုစည်း၍ `သိပ္ပံမောင်ဝ၏ ၀တ္ထုဆောင်းပါးများ´ ဟူသော စာအုပ်တစ်အုပ် ပေါ်ထွန်းထုတ်ဝေခဲ့ဖူးသည်။ စာပေဗိမာန်တိုက်က ထုတ်ဝေသည်ဟု မှတ်မိနေပါသည်။ `၀တ္ထုဆောင်းပါး´ ဟူသော အမည်အမျိုးအစား Genre နှင့်ပတ်သက်၍ ဘ၀င်မကျသော အသံဗလံများ ကြားခဲ့ရသည်။ ၀တ္ထုနှင့်ဆောင်းပါး အတူတူပဲလား။ ထိုနှစ်မျိုးရောထားတာလား စသည်ဖြင့် အသံဗလံများအဖြစ်သာ ကြားခဲ့ရသည်။ ထိုအမည်ကိုပေး၍ ထိုအမျိုးအစားဟုသတ်မှတ်ရန် အကြံပြုသူ၊ တိုက်တွန်းသူ၊ သတ်မှတ်ခေါ်တွင်စေသူများမှာ ခေတ်စမ်းက၀ိကြီးနှစ်ဦးဟု ကျွန်တော်မှတ်သားဖူးသည်။

ဆရာဇော်ဂျီနှင့်အနီးကပ်နေခဲ့ရသော ကာလများအတွင်း (၁၉၇၀-၇၅ ၀န်းကျင်) တစ်နေ့ ထိုကိစ္စနှင့်ပတ်သက်၍ ဆရာ့ကိုကျွန်တော် မေးဖူးသည်။ ကျွန်တော်ကိုယ်တိုင် ထိုစဉ်က အမှန်တကယ် ဘ၀င်မကျ။ ဆရာက `၀တ္ထုကောင်းလျှင် ဆောင်းပါးဖြစ်၍၊ ဆောင်းပါးကောင်းလျှင် ၀တ္ထုဖြစ်တတ်သည်´ ဟု ဖြေပါသည်။ ကျွန်တော်၏ ဉာဏ်ပညာနုံသောအဖြစ်သည် ထိုကိစ္စတွင် ဘွားဘွားပေါ်သည်။ ထိုစဉ်က ကျွန်တော် စဉ်းစားမရ။ နှစ်ပေါင်းနှစ်ဆယ်ကျော် အစိတ်လောက်ကြာမှ (ယခုမှပင်ဟု ဆိုကြပါစို့) ကျွန်တော် သဘောပေါက်ပါသည်။ ယခု ကျွန်တော့်ဆရာ မရှိတော့ပြီ။ သူ့တပည့် ခပ်ညံ့ညံ့ကျွန်တော်သည် အသက်ကလေးအတော်ရလာခါမှ အဖတ်အရှုကလေး အနည်းအကျဉ်းရှိလာခါမှ အနုပညာပစ္စည်းတို့၏ အမျိုးအစားရောနှောခြင်းသဘောကို သိလာပါသည်။ ယနေ့ `ပို့စ်မော်ဒန်သမားများ´ အခေါ်အပြောများနေသော Deterritorialization (နယ်နိမိတ်များကျိုးပျက်ခြင်းသဘော)၊ Reteritorialization (နယ်နိမိတ်များ အသစ်ပြန်လည် သတ်မှတ်ခြင်းသဘော) တို့နှင့်ထင်ဟပ်၍ ဆင်ခြင်မိလာပါသည်။ ဆရာဇော်ဂျီ၏နှုတ်ဖျားမှ `ပို့စ်မော်ဒန်´ ဆိုသောစကားတစ်ခွန်း တစ်ခါမှပေါ်ထွက်လာသည် မကြားဖူးပါ။ သို့သော်သဘောကိုဆင်ခြင်ဖို့သာ အရေးကြီးပါသည်။ `ပို့စ်မော်ဒန်´ ဆိုသည်မှာ အမည်တစ်ခုသာ ဖြစ်ပါသည်။ ဆရာမကြီး ဂါထရုစတိန်း (Stein) ၏ `နှင်းဆီပန်းတစ်ပွင့်၏ အမည်သည် နှင်းဆီပန်းတစ်ပွင့်(ဖြစ်၍) နှင်းဆီပန်းတစ်ပွင့်ဖြစ်သည်…´ ဆိုသော စကားကို သတိရဖွယ်ရှိ၏။ ကျွန်တော့်ဆရာက `စာတန်း´ ဟုအမည်ပေးခဲ့သော စာမျိုးကို ယခုကျွန်တော် `အက်ဆေး´ ဟုပင် ခေါ်ဝေါ်သုံးစွဲလိုက်ပါသည်။ The name of an essay is an essay is an essay.. ဟု မခေါ်သင့်ပါလား။

အကယ်၍ စိတ်ဝင်စားမည်ဆိုပါက ဆရာသိပ္ပံမောင်ဝ၏ `၀တ္ထုဆောင်းပါးများ´ နှင့်ပတ်သက်၍ စဉ်းစားဖွယ်တစ်ခုကို တင်ပြလိုပေသည်။ စိတ်ဝင်စားသူများအတွက်သာ ရည်ရွယ်သည်ဟုပြောလျှင် ပိုသင့်လျော်ပါမည်။ ထိုကိစ္စမှာ သိပ္ပံမောင်ဝ၏စာများကို Proto-modern ဟု ခေါ်သင့်မခေါ်သင့်ကိစ္စ ဖြစ်ပါသည်။ ထိုအယူအဆ၏အစကို ဆွဲထုတ်ပေးသူမှာ ဒေါက်တာမြင့်သန်း Ph.D. (စာရေးဆရာမြင့်သန်း) ဖြစ်၏။ သူ့ဆောင်းပါးတစ်ပုဒ်မှာ `စဉ်းစားကြည့်နိုင်ရန် နမူနာနှစ်ခု ပေးလိုပါသည်။ မြန်မာတို့၏ (မော်ဒန်အစဦးကာလ [?] ဟုခေါ်ဆိုလိုက ခေါ်ဆိုနိုင်မည်ဟု ထင်ရသော) ခေတ်စမ်းကာလအရေးအသားမျိုးကို ကြည့်ပါ´ ဟု ရေးခဲ့ပါသည်။ ဆက်လက်၍ `သုံးပွင့်ဆိုင်ခေတ်စမ်းစာပေ´ (၁၉၅၅)၊ `သိပ္ပံမောင်ဝ၏ ၀တ္ထုဆောင်းပါးများ´ (၁၉၆၁)၊ `ကိုဒေါင်း´ (၁၉၆၀) တို့ကို ကိုးကားသွားပါသည်။

ကျွန်တော်အဓိကပြောလိုသည်မှာ ဆရာမြင့်သန်းက ခေတ်စမ်းနှင့် မော်ဒန်အစဦးကို သဘောတူထား သုံးစွဲလိုသော အယူအဆဖြစ်၏။ လေ့လာသူသုတေသီတို့၏ စဉ်လာထုံးတမ်းကိုလိုက်နာသောအားဖြင့် `ခေါ်ဆိုလိုကခေါ်ဆိုနိုင်မည်ထင်ရသော´ ဟု သုံးသွားပါသည်။ ယတိပြတ် မပြောခဲ့ပါ။ Scholar တို့၏ထုံးတမ်းစဉ်လာဖြစ်၍ မြင့်သန်းကို အပြစ်တင်ဖွယ်မရှိ။ အကယ်၍ သိပ္ပံမောင်ဝစာများနှင့် မော်ဒန်စာပေ သဘောတရားများကို နှိုင်းယှဉ်စိစစ်ပြီးပါက သိပ္ပံမောင်ဝ၏စာများသည် Proto-modern ဖြစ်သည် (သို့မဟုတ်) မဖြစ်ဟု ယတိပြတ်ပြောနိုင်ပါလိမ့်မည်။

ဤအကြောင်းအရာကို ဇာချဲ့ပြောနေရသည်မှာ သိပ္ပံမောင်ဝ၏ စာများသည် Proto-modern မော်ဒန်အဦးအစ လက္ခဏာများ ပါဝင်တည်ရှိနေသည်ကို  ကျွန်တော်လေ့လာမိသလောက် ပြောနိုင်သောအခြေအနေတွင် ရှိနေ၍ ပြောရခြင်းဖြစ်သည်။ သိပ္ပံမောင်ဝလေ့လာသူများ၊ သုတေသီများ ဆက်လက်ပွားများကြပါဟုလည်း မေတ္တာရပ်ခံလိုပါသည်။ အကျယ်မပြောသာပါ။ ကျွန်တော့်အက်ဆေးများနှင့် ဆိုင်သလောက်ကိုသာ ကျွန်တော်ပြောနိုင်ပါလိမ့်မည်။ ဤသို့ဆက်ပြောချင်ပါသည်။

`မော်ဒန်ဝတ္ထုတို´ မြစ်ဖျားခံရာ နှစ်ခုရှိသည်။ ၁/ စကားပြေကဗျာများ Prose Poems ၊ ၂/ အတွင်းစိတ်သဏ္ဌာန်ကိုချယ်မှုန်းသော စာတန်းများ Psychological Sketch ဖြစ်သည်။ ဤအချက်ကို ပညာရှင်အများ လက်ခံထားကြ၏။ ပထမအမျိုးအစားကို ကမ္ဘာကျော် ဘော်ဒီလဲ Baudelaire (1821-67) က စတင်သည်ဟု တညီတညွတ်တည်း အသိအမှတ်ပြုကြသည်။ (မှတ်ချက်။ ယနေ့ ပို့စ်မော်ဒန်ခေတ်တွင် ပို့စ်မော်ဒန်မဟာကဗျာကျော် Postmodernity’s Laureater ဂျွန်အက်ရှဘာရီ John Ashbery ၏ ကဗျာများကို (စိတ်ဝင်စားသူများ) ရှာဖွေဖတ်ရှုကြပါဟု ညွှန်းလိုပါသည်။ သူ၏ Three Poems ကဗျာစာအုပ်၏ ဘာသာစကား/မီဒီယံ Medium သည် စကားပြေဖြစ်၏။ စာမျက်နှာတစ်ရာကျော်ရှိသော အက်ဆေးတစ်ပုဒ်ဟုလည်း ခေါ်ကြ၏။ ရှာဖွေဖတ်ရှုသင့်ပါသည်။ ဒုတိယအမျိုးအစားဖြစ်သော အတွင်းစိတ်သဏ္ဌာန်ကိုချယ်မှုန်းသည့် စာတန်းကို သိပ္ပံမောင်ဝ၏ ၀တ္ထုဆောင်းပါးများနှင့် နှိုင်းယှဉ်လေ့လာသင့်၏။ သုတေသနဘက်တွင်အားသန်သော ပုဂ္ဂိုလ်များအဖို့ ထိုစဉ်က (၀ါ) သိပ္ပံမောင်ဝခေတ်က ပေါ်ထွန်းခဲ့သော စာတန်းများ၊ ၀တ္ထုတိုများ၊ သိပ္ပံမောင်ဝဖတ်ခဲ့သည်ဟု ပြောနိုင်သော စာအုပ်စာတမ်း အထောက်အထားများကို အပတ်တကုတ် ရှာဖွေဖော်ထုတ်ကြလျှင် ကျွန်တော်တို့အတွက် အကျိုးဖြစ်ဖွယ်ရှိပါသည်။ ထို`ဆက်ထုံး´ ကို ရှာဖွေဖော်ထုတ်သကဲ့သို့ ၁/ ယခင်ရှိခဲ့သော စာတန်းများ၊ ၂/ ယခုရှိနေဆဲစာတန်းများ၊ ၃/ ယနေ့ဖြစ်ပေါ်နေသော စာတန်းများ၏ ဆက်ထုံးကို ရှာဖွေဖော်ထုတ်သင့်လှ၏။

စကားစဉ်ကိုပြန်ချုပ်ရသော် စာတန်း/အက်ဆေး/ Essay ဖြစ်ပေါ်တိုးတက်မှုသမိုင်းတွင် သမိုင်းသဘောနိယာမအရ အပြောင်းအလဲများ၊ အရပ်အတန့်များ၊ ကုန်ပျက်ခြင်းများ၊ အသစ်ပေါ်ထွန်းခြင်းများနှင့် ပြည့်နှက်နေပါသည်။ အားကောင်းခဲ့သောအရေးပုံသဏ္ဌာန်များ အားပျော့ပျက်ပြယ်သွားကြသည်။ အသစ်များဝင်ရောက်လွှမ်းမိုးလာသည်။ မသေချာမရေရာမှုများ လွှမ်းမိုးထားသော ယနေ့ `ပို့စ်မော်ဒန်ကာလ´ တွင် အနုပညာဘက်သို့ တိမ်းညွတ်သော အက်ဆေးသည်လည်း မသေချာမရေရာ ဖြစ်လာရသည်။ ဆရာဇော်ဂျီတို့နှစ်ဦးပြောခဲ့သော ၀တ္ထုဆောင်းပါးသည် ၀တ္ထုလည်း မဟုတ်၊ ဆောင်းပါးလည်း မဟုတ်၊ ထိုနှစ်ခုပေါင်းလည်း မဟုတ်။ တစ်ချိန်တည်းမှာပင် ၀တ္ထုလည်း ဟုတ်သည်၊ ဆောင်းပါးလည်း ဟုတ်သည်၊ ထိုနှစ်ခုပေါင်းလည်း ဟုတ်သည်။ ထိုအရာအားလုံး မဟုတ်၊ တစ်ချိန်တည်းမှာ ထိုအရာအားလုံး ဟုတ်သည်။ ထိုသဘောကို ထင်မြင်ပေါက်မြောက်အောင် ဆင်ခြင်ပါမှ (၀ါ) ဆင်ခြင်ပါက ယနေ့ `ပို့စ်မော်ဒန်အက်ဆေး´ သို့ ရောက်သည်ဟု အသေအချာပြောနိုင်ပါသည် (၀ါ) ပြောနိုင်ပါလိမ့်မည်။

ကျွန်တော့်အက်ဆေးစုတွင် ယခင်ကရေးခဲ့သော အက်ဆေးများ၊ ယခုရေးသော အက်ဆေးများ၊ မနက်ဖြန်တွင် ရေးရန်ကျန်၍ ရေးကြည့်သောအက်ဆေးများ ပါဝင်ပါသည်။ ကြိုက်လျှင် ဖတ်ပါ၊ မကြိုက်လျှင် မဖတ်ပါနှင့်။ လုပ်ငန်းသဘောအရသော်လည်းကောင်း၊ မတော်တဆသော်လည်းကောင်း ဖတ်ဖြစ်သွားသည် ဆိုပါတော့၊ ဘာမှမရလိုက်ဟု ဆိုလျှင်လည်း ကျွန်တော့်တာဝန်မဟုတ်ပါ။

ပို့စ်မော်ဒန်များက `အက်ဆေး´ ဖွင့်ဆိုရန် မကြိုးပမ်းကြပါ။ သူတို့ ဘာကိုမျှ ဖွင့်ဆိုဖို့ စိတ်မ၀င်စားကြဟု ကျွန်တော်ထင်ပါသည်။ အခြားသူများကတော့ ပို့စ်မော်ဒန်အက်ဆေးများ၏ `စံ´ ကို ယောက်ယက်ခုန်ကျော်နေခြင်း (၀ါ) Discursive ဖြစ်ခြင်းနှင့် တိုင်းတာသတ်မှတ်ကြပါသည်။
ထိုအဆင့်ကို ကျွန်တော်မရောက်သေးဟု ထင်ပါသည်။
ထိုစံကို ကျွန်တောမမီသေးဟု ထင်ပါသည်။ 

~ဇော်ဇော်အောင်၊ စာပေါင်းသိုက်အက်ဆေး နိဒါန်း

တွေးတွေးပြီးရယ်

(၁)နားမလည်သေးပဲကိုး
ဆရာမ။ ။ မောင်ဖြူ မင်းကို ဆရာမ ၉၀ ပေးမယ်။ နောက်၁၀ကို ကျော်ကျော့် ဆီက ချေးလိုက်။ ဒါဆို မင်းမှာ ဘယ်လောက်ဖြစ်သွားပြီလဲ။
မောင်ဖြူ။ ။ ၉၀ပဲ ဆရာမ။
ဆရာမ။ ။ မင်းသင်္ချာ အကြောင်း ကောင်းကောင်းနားမလည်သေးပဲကိုး။
မောင်ဖြူ။ ။ ဆရာမလဲ ကျော်ကျော်အကြောင်း ကောင်းကောင်း နားမလည်သေးပဲကိုး။

(၂ ) ငါးနဲ့ကြက်သား
သားအဖ နှစ်ယောက် ထမင်းစားခန်းတွင် ထမင်းစားနေသည်။
သား။ ။ ဖေဖေက ရေကူးသိပ်တော်တာပဲ။ ဘယ်လိုတတ်တာလဲ။
အဖေ။ ။ အဖေက ငါးများများ စားလို့ပေါ့ သားရဲ့။ သားလည်း ငါးများများစား။
သား။ ။ ဒါဆို ဖေဖေ ကြက်သားစားတယ်လေ။ ကြက်ဥ မဥဘူးလားဟင်။

(၃) လက်ဆင့်ကမ်း
အတွင်းရေးမှူးကောင်မလေး။ ။ သူဌေးကတော်က သူဌေးကို မအားလဲနေပါတဲ့ ဖုန်းထဲက နမ်းမလို့တဲ့။
သူဌေး။ ။ အေး ..အေး..ငါ့မိန်းမ အနမ်း မင်းပဲ ခဏ လက်ခံထားလိုက်ပါ။ ပြီးမှ ငါ့ကို ပြန်ပေး။

(၄) ဒါအချစ်လားကွယ်
ကောင်လေးက သူချစ်ရတဲ့ ကောင်မလေး ဆီက အဖြေတောင်းဖို့ ရှုခင်းကောင်းလှတဲ့ တောင်ပေါ်ကို ခေါ်လာတယ်။ တောင်ပေါ်ရှုခင်းတွေ ကြည့်ရင်း
ကောင်လေး ။ ။ ချမ်းနေလား ။
ကောင်လေးရဲ့ အမေးကို ကောင်မလေးက မခို့တရို့ ပြန်ဖြေတယ်။
ကောင်မလေး။ ။ ဟင့်အင်း မချမ်းပါဘူး။
ကောင်လေး။ ။ ဟင် မချမ်းဘူးလား။ ဒါဆို မင်းအနွေးထည် ကိုယ့်ကို ခဏပေး ။ ကိုယ်အရမ်းချမ်းနေလို့ပါ။

(၅) ဆင်ခြေ
အဝတ်လျှော်ဖို့ လုပ်နေတဲ့ အမေက အမြဲတမ်း ဆင်ခြေ ပေးတက်တဲ့ သားကို ဒေါသ တကြီးနဲ့ လှမ်းပြောတယ်။
အမေ။ ။ ရှောင်မင် ဘောင်ဘီ အိပ်ထဲက ပိုက်ဆံတွေကို ထုတ်ပါလို့ပြောတာ ဘယ်နှခါ ရှိပြီလဲ ။
အမြဲတမ်း ဘောင်ဘီအိပ်ထဲက ပိုက်ဆံတွေ ထွက်ထွက်လာတယ်။
ရှောင်မင် ။ ။ အာ....အမေကလည်း အဲတာ အမေ့ကို အဝတ်လျှော်ခ ပေးတာ ။

(၆)သွားပြီးလို့
အဖေ။ ။ အဖေနဲ့ အမေကို မင်းဘယ်သူ့ပိုချစ်လဲ။
သား။ ။ နှစ်ယောက်လုံး ချစ်တယ်။
သားရဲ့အဖြေကို အဖေက မကျေမနပ် ဖြစ်ကာ
အဖေ။ ။ ကဲ ဒါဆိုကွာ အဖေက ဒစ်စနီ လိုက်ပို့မယ်။ မင်းမေမေက ပြင်သစ်ကို ရှော့ပင်းထွက်မယ်တဲ့။ သားဘယ်သူနဲ့လိုက်မလဲ။
သား။ ။ အမေနဲ့လိုက်မယ် ။ ပြင်သစ်က ပိုလှလို့။
အဖေ။ ။ ဒါဆို အဖေ ပြင်သစ် သွားမယ်ကွာ။ မင်းမေမေက ဒစ်စနီ သွားမယ်တဲ့။
သား။ ။ အမေနဲ့ပဲ လိုက်မယ်။ ပြင်သစ်က ခုဏက သွားပြီးပြီ။

(၇)တော်တော်ငိုခဲ့တာပေါ့
အငိုသန်တဲ့ မြေးမလေးကို အဖွားက စိတ်မရှည်တော့ဘူး။
“မြေးလေးရယ် မငိုနဲ့တိတ်တိတ်။ မိန်းကလေးဆိုတာ မငိုရဘူး။ ငိုလွန်းရင် ရုပ်ဆိုးတတ်တယ်ကွဲ့။”
မြေးမလေးက အငိုတိတ်သွားပြီး သူမအဖွားရဲ့ မျက်နှာကို သေသေချာချာ စိုက်ကြည့်ကာ ပြောလိုက်တယ်။
“ အဖွား ငယ်ငယ်ကတည်း ခုချိန်ထိ တော်တော်ငိုခဲ့တာပေါ့နော်။”

(၈)ဆေးရုံသွားတဲ့လမ်း
မေး ။ ။ ဆေးရုံကို ဘယ်လို သွားရလဲ ခင်ဗျ ။
ဖြေ ။ ။ ခုမြင်နေရတဲ့ လမ်းအတိုင်းသွားပါ။ လမ်းမ အလယ်ရောက်ရင် ရပ်လိုက်။ နောက် ၁၀မိနစ်လောက် နေရင် ဆေးရုံရောက်ပြီ ခင်ဗျ ။

ရယ်မောခြင်းဖြင့် ဘ၀အမောတွေပြေနိုင်ပါစေ..........

ချစ်သောY

                    ချစ်သောY....

ကိုယ့်လက်ကောက်ဝက်လေးမှာ
မင်း နာမည်အတိုကောက်လေး တက်တူးထိုးမယ်
သတိရတိုင်း၊ လွမ်းတိုင်းနမ်းမယ်။
နောက်...
မလိုတော့တဲ့ခါ နာမည်ကို ဓားနဲ့ခြစ် သစ္စာရည်အဖြစ် သောက်ဖို့ စိတ်ကူးမိတယ်။
တကယ်ဆို
ကိုယ်အဲလို သစ္စာဆိုတော့ လွမ်းမိုးတိမ်တွေပြိုပြီး အလွမ်းငွေ့ဓာတ်တွေ ခန်းခြောက်သွားမှာစိုးတယ်၊
မခြစ်ရက်ဘူးကွယ်။
အလွမ်းကိုပဲ စားသုံးမယ်          
အလွမ်းနဲ့ပဲ အမြစ်တွယ်။    ။
                                   ခိုင်မြဲ

အန်တီစု ကိုယ်တိုင်ရေး ကဗျာ

အန်တီစု ကိုယ်တိုင်ရေး ကဗျာ

အန်တီစုရဲ့ ကိုယ်တိုင်ရေး မြန်မာကဗျာတပုဒ်ကို ပြန်လည်မျှဝေပေးပါတယ်။
အင်တာနက်ပေါ်က ကြမ်းတမ်းယုတ်ညံ့သော စကားများ သုံးစွဲကြကုန်သော မသူတော် အပေါင်းတို့ ၊ စစ်မှန်သော စံပြထိုက်သော စိတ်ဓါတ်ကို အတုယူကြပါကုန်လော့။ မိမိကိုယ်ကိုပင် မလေးစားနိုင်သော အဖြစ်သို့ မရောက်ရှိရန် ကိုယ်တိုင်ကြိုးစားရမည်သာ ဖြစ်ပါ၏။

မိခင်၏ နှောင်ကြိုးကို ဖြေပါအံ့

သည်းစွာသောအနာကို ကုစားပါအံ့
သမီး၏လုံ့လ၀ီရီယဖြင့် နာလန်ထူပါစေအံ့...

မွေးကျေးဇူးကို မသိတတ်သော
ထိုသူတို့အား
သိနားလည်အောင် ဆွဲဆောင်နိုင်စွမ်းကို
သမီးအားပေးပါလေ...

တွေ့ရအံ့သော ဘေးရန်တို့ကို
သမီးထီမည်မဟုတ်...

တဘ၀တွင် တခါသာသေရသည်ဖြစ်၍
အဘယ်နည်းနှင့်သေရသည်ဖြစ်စေ
သမီး၌မထူးခြား...

သမီး၏ စိတ်ကူးတို့သည်
အကယ်အဖြစ်သို့ ရောက်သောအချိန်တွင်
အသင်တို့သည်လည်း ပျော်မြူးကြရမည်...

အခြားအခြားသော သူတို့၏
ရှုတ်ချခြင်း
ကဲ့ရဲ့ခြင်း
မုန်းတီးရွှံရှာခြင်း
နာမည်ဖျက်ခြင်းတို့ကို
သမီး အလျဉ်း ဂရုမပြု...

မိခင်ထံမှ ဒါမှငါ့သမီး ဟူသော
ကျုးရင့်သံကိုသာ တောင့်တပါ၏...

လောကတွင် မိခင်၏ကျေးဇူးကို
အသိတတ်ဆုံးသမီး ဖြစ်ရပါလို၏။ ။

အောင်ဆန်းစုကြည်

သင်္ကြန်သီချင်းများ

ဘယ်ချိန်နားထောင် နားထောင် ရိုးအီမသွားတဲ့ သင်္ကြန်သီချင်များ

၁.နှစ်သစ်မင်္ဂလာ ~ (ရင်ဂို)

၂.ဖိုးညိုမြ ~ (စည်သူလွင်)

၃.ချမ်းပါတယ် ~ (ဂရေဟမ်)

၎.သက်ြန်မိုးရေ တန်ခုးလေ ~ (ရင်ဂို)

၅.ရှာပုံတော်မင်းသားကြီး

၆.ပိတော် တမျက်နှာ ~ (ဂရေဟမ်)

၇.သင်္ကြန်မိုး ~ (ဂရေဟမ်)

၈.ရေတွေစိုကုန်ပြီ ~ (စည်သူလွင်)

၉.နွေအလှ ~ (ဂရေဟမ်)

၁၀.ပိတောက်လက်ဆောင် ~ (စည်သူလွင်)

၁၁.ဒဂုံမောင် ~ (ဂရေဟမ်)

၁၂.ရွှေမန်းတောင်ရိပ်ခို ~ (ရင်ဂို)

၁၃.တူးပို့ တူးပို့ ~ (စည်သူလွင်)၁၄.နွေဦးကဗျာ ~ (ဂရေဟမ်)

၁၄.နွေဦးကဗျာ ~ (ဂရေဟမ်)

၁၅.ရက်မြတ်သင်္ကြန် ~ (ရင်ဂို)

၁၆.ကမယ်ဆိုတီးပါမယ် ~ (စည်သူလွင်)

၁၇.နှစ်သစ်ချစ်ဦး ~ (ဂရေဟမ်)

၁၈.ရွှေဝါမြေ ~ (ရင်ဂို)

၁၉.သင်္ကြန်လုလင် ~ (ဂရေဟမ်)

၂၀.ရေပက်ခံမယ် ~ (စည်သူလွင်)

၂၁.မန်းမြို့ သူဇာမေ ~ (ရင်ဂို)

၂၂.ညိုမြ

၂၃.မမကိုယ်တိုင်က

၂၄.မူယာကျော့

၂၅.ရွှင်လန်းချမ်းမြေ့ ပါစေ

၂၆.သင်္ကြန်ဝိဥာဉ်

၂၇.ဘယ်သူပြောလဲ ~ (ဂျောက်ဂျက်)

၂၈.အလိုက်သိဦး ~ (Jenny ~ ဘရိတ်ကီ)

၂၉.မန္တလေးမှာဟေ့ ~ (ယုန်လေး)

၃၀.ဟားရေ ~ (ကြက်ဖ)

၃၁.လွှတ်ထားလိုက် ~ (ဆူဇီ)

၃၂.ရာသီစာ ~ (ဂျောက်ဂျက် ~ ဂျူး)

၃၃.ဇာတာ ~ (၀ိုင်းစုခိုင်သိန်း)

၃၄.ရာသီစာတေး ~ (ရသ)

၃၅.ခါတော်မီ ~ (ရတု)

၃၆.လူပေါင်းစုံပျော်မယ် သင်္ကြန် ~ (ယုန်လေး ~ ဆူဇီ)

၃၇.ကောင်လေးနဲ့ ကောင်မလေး ~ (သိန်းစိုးလင်း ~ ဂျူး)

၃၈.သတိတော့ထား ~ (ဟဲလေး)

၃၉.သင်္ကြန်အထာ ~ (သဇင်)

၄၀.တပည့်ကြီးပဲလုပ်တော့မယ် ~ (ဝေလျှံ သခင်)

၄၁.ရေမွှေးဆွတ်ခဲ့ ~ (B3)

၄၂.စပွန်ဆာမလိုပါ ~ (Babycakes)

၄၃.အသည်းယားအောင်လုပ်နေလား ~ (ဆူဇီ)

၄၄.ပါသွားပြီဟေ့ ~ (အစ္စဏီ)

၄၅.စိတ်ကူးမယဉ်နဲ့ (ဝေလျှံ ~ ဆူဇီ)

၄၆.ဟိုလိုလို ဒီလို ~ (မိုးဟေကို)

၄၇.ဘယ်မှာစက်တော်ခေါ်နေလဲ ~ (CRAB)

၄၈.အသားကုန်ကဲ ~ (ရတနာမိုင်)

၄၉.၀ိုက်သာဝိုက် ~ (ဟဲလေး)

၅၀.ပုန်းမနေနဲ့ ~ (သဇင်)

၅၁.အချမ်းပြေ ~ (ဆင်ပေါက်)

၅၂.ကလေးကို ~ (Wai လျှံ ~ Jenny)

၅၃.ငါ့ရဲ့ သင်္ကြန်နေ့များ ~ (အိမ့်ချစ်)

၅၄.သင်္ကြန်ပွဲလေး ~ (ပူစူး)

၅၅.အင်းလျားလမ်းမှ ကြိုဆိုပါ၏ ~ (မေသူ)

၅၆.သင်္ကြန်ပွဲတော် ~ (အစ္စဏီ)

၅၇.မရိုးတဲ့သင်္ကြန် ~ (Jenny)

၅၈.ဖက်ထားပါမယ် ~ (ဖြိုးကျော်ထိုက်)

၅၉.မင်းလေးရှိမှ တို့လန်းမယ် ~ (ထိုက်ထိုက်)

၆၀.လျော့ပါဦး ~ (D ယံ)

၆၁.ကမယ် တူတူ ~ (ဆန်းသစ်လ)

၆၂.တူးပို့တူးပို့

၆၃.အိပ်မက်စေတမန်

၆၄.နေ့နဲ့ညအလှ

၆၅.ရွှေဝါမြေ

၆၆.ရေတွေစိုကုန်ပြီ

၆၇.ရွှင်လန်းတူပျော်

၆၈.သင်္ကြန်မင်းသမီး

၆၉.ရေပက်ခံမယ်

၇၀.ရွှေမန်းမာလာ ~ (ဇော်ဝမ်း ~ မို့မို့ဇော်ဝင်း)

၇၁.မင်္ဂလာသင်္ကြန် ~ (ဇော်ဝမ်း ~ မို့မို့ဇော်ဝင်း)

၇၂.မန်းတောင်ရိပ်ခို – ဇော်ဝမ်း ၊ မို့မို့ဇော်ဝင်း

၇၃.နှစ်ကူးမင်္ဂလာ – ဇော်ဝမ်း ၊ မို့မို့ဇော်ဝင်း

၇၄.နွေအလှ ~ (ဇော်ဝမ်း ~ မို့မို့ဇော်ဝင်း)

၇၅.ရွှေဝါမြေ ~ (ဇော်ဝမ်း ~ မို့မို့ဇော်ဝင်း)

၇၆.ညိုမြ ~ (ဇော်ဝမ်း ~ မို့မို့ဇော်ဝင်း)

၇၇.နှစ်သစ်ချစ်ဦး ~ (ဇော်ဝမ်း ~ မို့မို့ဇော်ဝင်း)

၇၈.ပိတောက်တစ်မျက် ~ (ဇော်ဝမ်း ~ မို့မို့ဇော်ဝင်း)

၇၉.မြူမှောင်ဝေကင်း ~ (ဇော်ဝမ်း ~ မို့မို့ဇော်ဝင်း)

၈၀.နှစ်သစ် ~ (ဇော်ဝမ်း)

၈၁.သင်္ကြန်မိုး – ရန်အောင်

၈၂.မိုးနတ်မယ် – ဇော်ဝမ်း

၈၃.သင်္ကြန်တေးသံ – ရန်အောင်

၈၄.ရေပက်ခံမယ် ~ (ဇော်ဝမ်း)

၈၅.ကြိုလှည့်ညိုနွဲ့ ~ (ရန်အောင်)

၈၆.ရွှေဝါမြေ ~ (ဇော်ဝမ်း ~ ရန်အောင်)

၈၇.တန်ခူးလ ~ (ရန်အောင်)

၈၈.ဖိုးညိုမြ ~ (ဇော်ဝမ်း)

၈၉.ကိုယ်စားပြောပေးပါ ~ (ရန်အောင်)

၉၀.ပိတောက်တစ်ခက် ~ (ရန်အောင်)

၉၁.မြူမှောင်ဝေကင်း ~ (သန်းမြတ်စိုး)

၉၂.နွေဦးရွှေမန်းမာလာ ~ (သန်းမြတ်စိုး ~ ဟန်တင် ~ ဖိုးညိုမြ ~ မြတ်ဝတ်ရည်)

၉၃.နှုတ်ခွန်းဆက် ~ (အဖွဲ့)

၉၄.တစ်ဖက်သားအချစ် ~ (အေးအေးခိုင်)

၉၅.ချစ်အာရုံ ~ (သန်းမြတ်စိုး)

၉၆.နှစ်ကိုယ်တူချစ်သမျှ ~ (နေအောင် ~ အေးအေးခိုင်)

၉၇.ညချမ်းသဘင် ~ (မြတ်ဝတ်ရည်)

၉၈.နှစ်ကိုယ်တူချစ်သမျှ ~ (နေအောင် ~ အေးအေးခိုင်)

၉၉. စိန်ဗေဒါပတ်စမ်းတီးလုံး

၁၀၀.ရွှေမန်းသူ ~ (မေရွက်ဝါ)

၁၀၁.ပျော်ပါစေ ~ (တီးလုံး)

၁၀၂.နွေအလှ ~ (ဇော်ဝမ်း)

၁၀၃.နှစ်သစ်မင်္ဂလာ ~ (ဟန်တင်)

၁၀၄.ညိုမြ

၁၀၅.ပိတောက်တစ်မျက်နှာ ~ (ဇော်ဝမ်း)

၁၀၆.နွေဦးကဗျာ ~ (မီမီဝင်းဖေ)

၁၀၇.နှုတ်ခွန်းဆက် ~ (သန်းမြတ်စိုး ~ မြတ်ဝတ်ရည်)/a>

၁၀၈.သင်္ကြန်မိုး

၁၀၉.နွေတန်ခူးရဲ့ Holiday ~ (Aက ~ Reo)

၁၁၀.စပ်စလူးစိန်ဓါတ်ဘူးပိန် ~ (သြရသ ~ စစ်သွေး)

၁၁၁.ကဲသင်္ကြန် ~ (ဘရိတ်ကီ ~ မီလျံ)

၁၁၂.ပျော်ရအောင် ~ (ဒီးဒီး)

၁၁၃.လေးရက်တည်း ~ (Dယံ)

၁၁၄.သင်္ကြန်ရောက်တိုင်း ~ (အိမ့်ချစ်)

၁၁၅.ဗီတာမင်မလိုအင်နာဂျီမလို ~ (ဟဲလေး ~ မေသျှင်ဝန်း ~ ချိန်းချိန်း)

၁၁၆.မမေ့နိုင်တော့ပါ ~ (ဟဲလေး ~ သဥွှာနွယ်ဝင်း)

၁၁၇.ပက်တယ်သွက်တယ် ~ (ထူးကျော် ~ ခန့် ဇော်)

၁၁၈.မင်းနဲ့ အတူ ~ (ခင်စုစုနိုင်)

၁၁၉.ပျော်စရာသင်္ကြန် ~ (Nကိုင်ရာ)

၁၂၀.အချစ်အတွက်နှစ်သစ်ကူး ~ (နိုနို)

၁၂၁.စိတ်ပျက်တယ် ~ (နွေးနွေးချစ်ဖွယ် ~ ဖြိုးသီရိခေတ်)

၁၂၂.မောပြီ ~ (ဖြိုးသီရိခေတ်)

၁၂၃.ရောင်စုံမြို့ ကလေး ~ (ဆိုတေး)

၁၂၄.ငရဲကြီးမယ် ~ (စွဲလန်းဖြူ)

၁၂၅.လာ လာ လာ ~ (waiလျှံ ~ မှူးရတနာ)

၁၂၆.မင်းလေးအတွက်အနွေးဓာတ် ~ (ဝေလွင်ဦး)

၁၂၇.ကဲမှာပဲ ~ (ယံယံ)

၁၂၈.ပက် ~ (ကျော်ထွဋ်ဆွေ)

၁၂၉.ပဲများခဲ့ ~ (အစ္စဏီ)

၁၃၀.ပြိုင်ဘက်မရှိ ~ (Jenny)

၁၃၁.မနှစ်ကမင်း ~ (အိမ့်ချစ်)

၁၃၂.မကြာမီ လာမည် ဂေါ် ~ (Nine One ~ မိစန္ဒီ)

၁၃၃.ရည်းစားရှိလား ~ (သားကြီး)

၁၃၄.သင်္ကြန်ပျိုမေ ~ (ပူစူး)

၁၃၅.သင်္ကြန်အိပ်မက် ~ (လွှမ်းပိုင် ~ Bobby Soxer)

၁၃၆.အကုန်လုံးပျော် ~ (မေသူ)

၁၃၇.အန်းဂရီးဘတ် (Angry Bird) ~ (ဟဲလေး)

၁၃၈.မောင်း မောင်း မောင်း ~ (နီနီခင်ဇော်)

ဗမာနဲ့ မြန်မာ

ဗမာနဲ့ မြန်မာ -မောင်သာနိုး

ကျွန်တော်တို့က ကိုယ့်လူမျိုးကို ကိုယ်ခေါ်ဝေါ်ကြရာမှာ 'ဗမာ'လို့ ခေါ်ဝေါ်ကြတာ အများဆုံးဖြစ်ပါတယ်။ အနည်းငယ်ကသာ မြန်မာလို့ ခေါ်ကြတယ်။ ဗမာဆိုတာ ပါဠိလို ဗြဟ္မာလို့ခေါ်တာကို 'ရရစ်'ဖြုတ်ပြီး ခေါ်တာဖြစ်တယ်။ ဗမာပြည်ကို ဗြဟ္မဒေသ၊ ဗမာလူမျိုးနဲ့ ဗမာစကားကို ဗြဟ္မီလို့ ပါဠိလိုခေါ်ပါတယ်။ ဒီဗြဟ္မာကို 'ဗ'နေရာ 'မ'အက္ခရာပြောင်း ထည့်လိုက်တော့ 'မြန်မာ'ဖြစ်သွားတယ်။ ဒီဗမာနဲ့ မြန်မာအသုံးနှစ်ခုမှာ ရှေးက ဗမာကိုအသုံးများခဲ့တယ်။ မြန်မာကို အသုံးနည်းတယ်။ ဗြိတိသျှ လက်အောက် လွတ်လပ်ရေးကြိုးပမ်းစဉ် ကာလတလျှောက်လုံး 'သခင်မျိုးဟေ့တို့ဗမာ၊''ဗမာပြည်သည်တို့ပြည်၊' 'ဗမာစာသည်တို့စာ၊' 'ဗမာစကားသည် တို့စကား'လို့ ကြွေးကြော်ခဲ့ကြတယ်။ လွတ်လပ်ရေးကြိုးပမ်းရာမှာ ဦးဆောင်တဲ့ အဖွဲ့အစည်းကြီးရဲ့ နာမည်က တို့ဗမာအစည်းအရုံးဖြစ်တယ်။ ကျောင်းသားတွေက ဗမာနိုင်ငံလုံးဆိုင်ရာ ကျောင်းသားသမဂ္ဂကို ထူ ထောင်ခဲ့ ကြတယ်။ တို့မြန်မာအစည်းအရုံးမဟုတ်၊ မြန်မာနိုင်ငံလုံးဆိုင်ရာ ကျောင်းသားသမဂ္ဂမဟုတ်။ တပ်မတော်ဟာ လည်း ဗမာ့တပ်မတော်ဖြစ်တယ်။ မြန်မာ့တပ်မတော် မဟုတ်၊ ကွန်မြူနစ်တွေကလည်း ဗမာပြည် ကွန်မြူနစ် ပါတီ၊ မြန်မာအမည်ကို လွတ်လပ်ရေးရပြီးနောက် စာသမား၊ ပေသမားယောင်ယောင် ငနဲတွေက လူတတ် လုပ်ပြီး ခေါ်ဝေါ်ခဲ့ခြင်းဖြစ်တယ်။ လွတ်လပ်ရေးကြိုးပမ်းစဉ်ကာလက မြန်မာအမည်ကို ဘယ်သူမှ ဆေးဖော်ကြောဖက် မလုပ်ကြ၊ အသိအမှတ်မပြုခဲ့ကြဘူး။

တနည်း၊ ဗမာအမည်က ဗမာ ပြည်မှာနေထိုင်တဲ့ ရှမ်း၊ကချင်၊ကရင်၊ ချင်း၊မွန်၊ကယား၊ တိုင်းရင်းသားလူမျိုး အားလုံး (၁၃၅ မျိုးတော့ မရှိပါဘူး။ ၁၃၅ မျိုးဆိုတာ လိမ်ညာတာတခု ဖြစ်တယ်) အကျုံးဝင်တယ်။ မြန်မာ အမည်က မောင်သာနိုးတို့လို လူမျိုးတခုတည်းကိုသာ ခေါ်တာဖြစ်တယ်။ ရှမ်း၊ ကချင်၊ ကရင် စသည်တို့မပါဘူး။ အင်္ဂလိပ်လိုခေါ်ရင် တိုင်းပြည်က Burma လူမျိုးနဲ့စကားက Burmese ဖြစ်တယ်။ Myanmar ဆိုတာ ဘာသာဗေဒမကျွမ်းသူတွေက နားမလည်ပါးမလည်နဲ့ အမှားမှားအယွင်းယွင်း သုံးနှုန်းတာသာ ဖြစ်တယ်။ အမှန်က We live in Burma, We are Burmese, We speak Burmese. လို့ သုံးရမှာဖြစ်တယ်။ ကျွန်တော် တို့ ပြည်သူတွေကိုယ်တိုင်ကလည်း ကိုယ့်ကိုယ်ကိုယ် ဗမာတွေလို့ပဲ ခေါ် ဝေါ်သုံးနှုန်းကြပါတယ်။ မြန်မာတွေလို့ မခေါ်ဝေါ်မသုံးနှုန်းကြပါဘူး။ မြန်မာဆိုတဲ့အမည်က စာပေထဲမှာသာတွေ့ရတဲ့ အသုံးအနှုန်းဖြစ်တယ်။

ကမ္ဘာပေါ်ရှိ လူမျိုးအသီးသီးမှာ ကိုယ့်ကိုယ်ကိုယ်ခေါ်တာက တမျိုး၊ အခြားသူက ကိုယ့်ကိုခေါ်တာက တမျိုး၊ အဲသလိုဖြစ်နေတာကို သည်းခံခွင့်လွှတ်နိုင်ကြရတယ်။ မိမိကိုယ်မိမိ Zhong kuo လို့ခေါ်တယ်။ သူများက China လို့ ခေါ်တယ်။ ဒါကို သည်းခံရတာပဲ။ ကျုပ်တို့ကို China မခေါ်ပါနဲ့ Zhong kuo ခေါ်ပါလို့ အတွန့်မတက်ရဘူး။ မိမိကိုယ်မိမိ Bharat လို့ခေါ်တယ်။ သူများက India လို့ခေါ်တယ်။ India မခေါ်ပါနဲ့ Bharart ခေါ်ပါလို့ အတွန့်မတက်ကြဘူး။ မိမိကိုယ်မိမိ Nippon လို့ခေါ် တယ်။ သူများက Japan လို့ ခေါ်တယ်။ Japan မခေါ်ပါနဲ့ Nippon ခေါ်ပါလို့ လျှာမရှည်ရဘူး။ ဒါ ကမ္ဘာ့ထုံးစံပဲ။ ကျွန်တော်တို့ ဗမာကျမှသာ အတ္တဆန်ပြီး ကျွန်တော်တို့ကို Burma မခေါ်ပါနဲ့ Myanmar ခေါ်ပါလို့ တဖက်သားကို ဒုက္ခပေးချင်တာ။ ကိုယ် ဘာသာကိုယ် ဘယ်လိုခေါ်ခေါ် ခေါ်နိုင်တယ်။ သူတပါးကလည်း ဘယ်လိုခေါ်ခေါ် ခေါ်နိုင်ခွင့်ရှိရမယ်။ သူတပါးကို လိုက်မနှောင့်ယှက်သင့်၊ မချုပ်ချယ်သင့်ဘူး။

ကိုယ့်ကိုယ်ကိုယ် ဗမာလို့ခေါ်တာကို မကြိုက်၊ မြန်မာလို့ခေါ်တာကို မှ ကြိုက်တယ်ဆိုသူတွေက ဗမာဆိုတာ အင်္ဂလိပ်အခေါ် Burma ကို ဗမာသံပြောင်းခေါ်တာလို့ စွပ်စွဲကြပြန်တယ်။ မြန်မာကမှ ဗမာစကား၊ ဗမာက အင်္ဂလိပ်စကား Burma ကို ခေါ်တာလို့ သူတို့ကဆိုကြတယ်။ အထက်မှာဆိုခဲ့တဲ့အတိုင်း ဗမာဆိုတာ ပါဠိဗြဟ္မာက လာတာ၊ ဒီဗြဟ္မာ Brahma ကိုမှ အင်္ဂလိပ်က Burma, ပြင်သစ်က Birma, ဂျပန်က ပြင်သစ်အခေါ်ကိုယူပြီး R ကို ru လို့ပြောင်းကာ Biruma ဘိရုမာအသီး သီးခေါ်ကြတာဖြစ်တယ်ဆိုတာကို သူတို့မသိကြဘူး။
မြန်မာဆိုတဲ့အခေါ်နဲ့ပတ်သက်ပြီး ရင်းမြစ်ကို အမျိုးမျိုးကြံဆကြ တာကို တွေ့ဖူးတယ်။ အနီးစပ်ဆုံးကတော့ တရုတ် မြင်ကျင့်ရင်ကနေ မြန်မာဆင်းသက်လာတယ် ဆိုတာပါပဲ။ တချို့ကလည်း မြန်ဟာ မြင်းအဓိပ္ပာယ်ရ တယ်။ မြင်းစီးတဲ့လူမျိုးမို့ မြန်မာလူမျိုးခေါ်တယ်လို့ ယူဆကြတယ်။ ဒါလည်း ဖြစ်နိုင်တာပါပဲ။ ဒါပေမဲ့ ဗမာဆိုတာ ဗြဟ္မာက ဆင်းသက်လာတယ်လို့ ကြံဆရင် မြန်မာဟာလည်း ဗြဟ္မာမှာ 'ဗ'နေရာ 'မ'ပြောင်းထည့်ပြီး ဆင်းသက်လာတယ်လို့ ယူဆနိုင်ပါသေးတယ်။

ကျွန်တော်တို့က ကျွန်တော်တို့ကိုယ်ကိုယ် ဗမာ(ဗြဟ္မာ)လို့ခေါ်ရမှာ ကျွန်တော်တို့ဟာ အဘဿရ ဗြဟ္မာကြီး တွေ မွှေးကြိုင်လွန်းတဲ့မြေဆီ မြေနှစ်ကို မလွန်ဆန်နိုင်ဘဲ စားမိရာက လူဖြစ်ပြီး ဗမာတွေဖြစ်လာကြ တယ်ဆိုတဲ့ သမိုင်းပုံပြင်ကို ကိုးကားပြီးပြောတာလည်းဖြစ်တယ်။ ဗြဟ္မာက ဖြစ်လာတဲ့ လူမျိုးမို့ ဗြဟ္မာလူမျိုး၊ ၀ါ ဗမာလူမျိုး ခေါ်တာဖြစ်ပါတယ်။ ဗြဟ္မာကြီးလေးယောက်က ဆင်းသက်လာတဲ့လူမျိုးမို့ ဗမာလူမျိုးလို့ ခေါ်တာပါလို့ ပါးစပ်ရာဇ၀င်က ဆိုတယ်။
မှားတာ၊ မှန်တာ အပထား ကိုယ့်လူမျိုးကို အမွမ်းတင်ထားတဲ့ ပုံပြင်လေးဖြစ်တဲ့အတွက် ကျွန်တော်တို့ လေးစားကြရမယ်။
နောက်တခုက ပါဠိစကား ဗြဟ္မက ဗမာလိုမွန်မြတ်လို့ အဓိပ္ပာယ်ရပါတယ်။ ဗြဟ္မ၀ိဟာရဆိုတာ မွန်မြတ်တဲ့ အကျင့်ကျင့်၊ နေထိုင်ခြင်း၊ ဗြဟ္မစရိယဆိုတာ မွန်မြတ်တဲ့ အကျင့်၊ ၀ါ၊ ကာမရာဂ မမှီဝဲတဲ့ အကျင့်၊ အဗြဟ္မစရိယ ဆိုတာ မမွန်မြတ်တဲ့အကျင့်၊ ၀ါ၊ ကာမရာဂမှီဝဲတဲ့အကျင့် (ရှစ်ပါးသီလဥပုသ်စောင့်တဲ့လူတွေ စောင့်ထိန်းရတဲ့ သိက္ခာပုဒ်တခုဖြစ် တယ်။) ဒီတော့ ဗြဟ္မာလူမျိုး၊ ဗမာလူမျိုးဆိုတာ မွန်မြတ်တဲ့လူမျိုးလို့လည်း အဓိပ္ပာယ်ရ ပါတယ်။

အဲဒီတော့ အမည်နှစ်ခုကို ယှဉ်ကြည့်ရင် မြန်မာဆိုတာက မြန်တဲ့ သန်မာတဲ့လူမျိုး၊ ၀န်ပစ္စည်းထမ်းတဲ့လူမျိုး၊ ကူလီလူမျိုးလို့ အဓိပ္ပာယ်ရပြီး ဗမာဆိုတာက ဗြဟ္မာကြီးတွေက ဆင်းသက်လာတဲ့လူမျိုး၊ မွန်မြတ်တဲ့ လူမျိုးလို့ အဓိပ္ပာယ်ရတယ်။ ဒါကြောင့် ဘယ်အမည်ကို ခံယူမလဲ ကိုယ့် အသိနဲ့ကိုယ် ဝေဖန်သုံးသပ်ပြီး ဆုံးဖြတ်ယူနိုင် တယ်။ ကူလီလူမျိုးခေါ်တာ ကြိုက်ရင် မြန်မာအမည်ကိုခံယူပါ။ မြင့်မြတ်တဲ့ လူမျိုး၊ သခင်မျိုးလို့ ခေါ်တာကို ကြိုက်ရင် ဗမာအမည်ကိုခံယူပါ။
အင်္ဂလိပ်လက်အောက်ခံကျွန်ဘ၀မှာ မနေလိုကြတဲ့ ကျွန်တော်တို့အဘိုးတွေ၊ ဘိုးအေတွေကတော့ ကူလီ မဖြစ်ချင်၊ သူ့ကျွန်မ ဖြစ်ချင်တဲ့အတွက် တို့ဗမာအစည်းအရုံးကြီးကို တည်ထောင်ကာ 'သခင်မျိုးဟေ့ တို့ဗမာ'ကြွေးကြော်ပြီး လွတ်လပ်ရေး ကြိုးပမ်းခဲ့ကြတယ်။ သူတို့သွေးမြေအကျခံပြီး တိုက်ပွဲဝင်ခဲ့ကြလို့ လွတ်လပ်ရေးရကြ၊ သခင်တွေဖြစ်ကြကာမှ သူတို့ရဲ့ချွေးတွေ၊ သွေးတွေအကျခံ တိုက်ခိုက်ခဲ့ကြလို့ ကိုယ့်တိုင်းကိုယ့်ပြည်နဲ့ လွတ်လွတ်လပ်လပ် ရင်ကော့ရပ်တည်နိုင်ခဲ့ကြတာကို ကျေးဇူးကန်းမေ့လျော့ကာ သူတို့ခေါ်ခဲ့ကြတဲ့ဗမာအမည်ကို ပစ်ပယ်၊ သူတို့ပယ်ခဲ့တဲ့ မြန်မာအမည်ကို သုံးချင်ကြတာဟာဖြင့် အသိဥာဏ် ခေါင်းပါး၊ ဗဟုသုတနည်းပါး၊ 'အ၀ိဇ္ဇာပိတ်ကာဆို့' နေပုံကို ဖော်ပြနေတာပဲ ဖြစ်ပါတော့တယ်။

ဗမာ့လွတ်လပ်ရေး ကြိုးပမ်းမှု သမိုင်းဆိုတာမကြာလှသေးတဲ့ သမိုင်း (Recent History) ဖြစ်ပါတယ်။ ဒီသမိုင်းခေတ်ထဲနေခဲ့တဲ့ လူတွေ ကနေ့ထက်ထိ သက်ရှိထင်ရှားရှိနေသေးတာ ထောင်သောင်းဂဏန်း မကရှိပါတယ်။ ဒါကိုပဲ ဗြောင်လိမ်မှတ် တမ်းတင်ချင်တဲ့ လူတွေကလည်း ရှိသေးတယ်။ သူတို့ရေးတဲ့စာထဲမှာ 'သခင်မျိုးဟေ့ တို့မြန်မာ' 'မြန်မာပြည်သည် တို့ပြည်' 'မြန်မာစာသည်တို့စာ'စသဖြင့် ရှေးလူကြီးတွေပြောခဲ့တဲ့ ဗမာကို မြန်မာနဲ့အစားထိုး၊ လိမ်ညာပြီး ပြင်ရေးထားတာတွေ ရံဖန်ရံခါ တွေ့ရတတ်တယ်။ တော်တော်လည်း တတ်နိုင်တဲ့လူတွေပဲ။
ကျွန်တော်တို့ဟာ အမှန်တရားကို မြတ်နိုးကြရမယ်။ သမိုင်းကိုမှန်သထက်မှန်အောင် အားထုတ်ကြရမယ်။ သမိုင်းကို မပြင်သင့်ဘူး။ ကိုယ့် ပုဂ္ဂိုလ်အကျိုး၊ ကိုယ့်အဖွဲ့အစည်း အကျိုး၊ ဘယ်အကျိုးကိုမှငဲ့ကွက်ပြီး သမိုင်းကိုပြင်တာမျိုး မလုပ်စကောင်းဘူး။ အဆုံးတနေ့မှာ သမိုင်းဆိုတာ အမှန်ပေါ်မြဲ ဖြစ်တတ်သော်လည်း ကိုယ့်ပယောဂကြောင့်ဖြင့် အခိုက်အတန့်ပဲဖြစ်စေကာ သမိုင်းတစိတ်တပိုင်းကို အလွဲလွဲအမှားမှား ရေးထိုးထား တာမျိုး မဖြစ်သင့်ဘူး။ ကျွန်တော်တို့ ဗမာလူမျိုးတွေဟာ ပဒေသရာဇ်ခေတ်ကစပြီး သမိုင်းကို လိမ်ညာ ရေးထိုးတဲ့အကျင့် အင်မတန်ရှိခဲ့တယ်။ အဲဒီဗမာ့အကျင့်ဆိုးကြီးကို ဖျောက်ဖျက်ပစ်ဖို့ ကျွန်တော်တို့ ကနေ့ခေတ် ဗမာတွေ ကြိုးစားကြရမယ်။ 'တကောင်းအဘိရာဇာ တို့ဗမာသာကီမျိုးပေမို့'ဆိုတဲ့ ကိုယ်က တိဘက်နွယ်ဖြစ်ပါ လျက် ကုလားဘုရင်တွေနဲ့ အမျိုးတော်ချင်တဲ့ ကျွန်တော်တို့ ဘိုးဘေးတွေရဲ့မတော်မတရား စိတ်ကူးယဉ် မျှော်ခေါ်မှုကြီးကို လေထဲလွှင့်ပစ်လိုက်ရမယ်။

တရုတ်က ကျွန်တော်တို့လူမျိုးကို 'မြင်ကျင့်ရင်' လို့ ခေါ်ပါတယ်။ အဲဒီ 'မြင်ကျင့်'က မြန်မာ ဖြစ်လာသလားလည်း မပြောတတ်ဘူး။ ကုလားက ဘရမာလို့ခေါ်တယ်။ ပါဠိဗြဟ္မာကို ကုလားလို အသံထွက်တာပါပဲ။ ဒီဗြဟ္မာကို အင်္ဂလိပ်က Burma လို့ စာလုံးပေါင်းလိုက်တယ်။ ပြင်သစ်က Birma လို့ စာလုံးပေါင်းလိုက်တယ်။ ရုသျှက လည်း ပြင်သစ်အတိုင်းယူ Birma လို့ စာလုံးပေါင်းတယ်။ ဂျပန်ကလည်း ဒီအတိုင်းပဲယူတယ်။ သူ့နှုတ်၊ သူ့လျှာနဲ့ရွတ်ဆိုလို့ကောင်းအောင် R ကိုတော့ Ru ရု လုပ်ပစ်လိုက်တယ်။ ဒီတော့ ဘိရုမာ ဖြစ်သွားရော။
ဒီနိုင်ငံခြားအခေါ်အဝေါ်တွေကိုကြည့်ရင် ဗမာကို အနည်းငယ်စီ ပြောင်းလဲပြီး ခေါ်ထားတာချည်းဖြစ်နေတာကို တွေ့ကြရတယ်။ မြန်မာကို ပြောင်းလဲပြီး ခေါ်ထားတာမတွေ့ရဘူး။ အဲဒီတော့ ရှေးက ဗမာနဲ့ဆက်ဆံတဲ့ လူမျိုးခြားတိုင်းလိုလိုကလည်း ဗမာပဲခေါ်ကြတယ်။ မြန်မာမခေါ်ကြတာကို တွေ့ကြရတယ်။ စောစောကဖြင့် အင်္ဂလိပ်တွေက ဗမာကို အဲဒီခေတ် မင်းနေပြည်မြို့တော် အင်းဝကိုအကြောင်းပြုကာ 'အ၀' Ava လို့ ခေါ်ခဲ့ကြရဲ့။ A mission to the kingdom of Ava (အ၀ ဘုရင့်နိုင်ငံသို့ သံတမန်အဖွဲ့သွားရောက်ခြင်း) စသဖြင့်။

ဒါပေမဲ့ ဗမာဘုရင့်အစိုးရက ရေးသားတဲ့ မှတ်တမ်းမှတ်ရာ၊ သ၀ဏ်လွှာ၊ မော်ကွန်းစသည်မှာတော့ မြန်မာ ကိုပဲသုံးတာကို တွေ့ကြရတာကို မှတ်သားရပါတယ်။ ပြည်သူတွေပြောတဲ့ဆိုတဲ့ စကားတွေမှာသာ ဗမာ အမည်ကို သုံးတာပါ။ အဲဒီခေတ် ကဗျာ၊ လင်္ကာများမှာလည်း ဗမာပဲ သုံးကြတယ်။ တိုင်းပြည်ကြီး အင်္ဂလိပ်လက်အောက်ရောက်တော့ အချုပ် တန်းဆရာဖေက 'ဗမာတွေ စည်းကမ်းဖောက်လို့ ထီးနန်းပျောက်ဖြစ်ပြီ' အစရှိတဲ့ တေးထပ်ကိုရေးဖွဲ့ခဲ့တယ်။ အတွင်းမှာလည်း 'ဗမာချင်းကျတော့ ခွေးလို ဟောင်သည်' စသဖြင့် ညွှန်းရေးထားတယ်။
အိန္ဒိယက ပညာရှင်တို့က ပါဠိလိုရေးသားရာမှာ ဗမာပြည်ကို ဗြဟ္မဒေသ၊ ဗမာစာကို ဗြဟ္မီလို့ ရည်ညွှန်းကြတယ်။ ဗမာပြည်က ပညာရှင်တွေကတော့ ဗမာပြည်ကို မရမ္မရဋ္ဌ၊ ဗမာစကားကို မရမ္မဘာသာလို့ သုံးနှုန်းလေ့ရှိကြတာကို တွေ့ကြရတယ်။ ဗမာပညာရှိတွေက ဗမာဆိုတဲ့ အမည်ကို ဗြဟ္မဝေါဟာရနဲ့ဆက်စပ်ပြီး မမြင်ကြတာကို တအံ့တသြတွေ့ ကြရတယ်။ မရမ္မဆိုတဲ့ ပါဠိဝေါဟာရကို ဗမာပညာရှင်ကလွဲလို့ ဘယ်နိုင်ငံခြား သား ပါဠိပညာရှင်ကမှ သုံးနှုန်းကြတာကို မတွေ့ရတာကလည်း ထူးဆန်းအံ့သြစရာ အချက်တချက်ပါပဲ။

မောင်သာနိုး
News Watch(စောင့်ကြည့်သတင်းဂျာနယ်)မှ